இடி மின்னலுடன் கூடிய லேசானது முதல் மிதமான மழை

Aug 09, 2022 08:14 am

வானிலை தகவல்

மேற்கு திசைக்காற்றின் வேக மாறுபாடு காரணமாக,

09.08.2022: மேற்கு தொடர்ச்சி மலை  மாவட்டங்கள் மற்றும் அதனை ஒட்டிய மாவட்டங்கள், வடதமிழக கடலோர  மாவட்டங்கள், புதுவை மற்றும் காரைக்கால் பகுதிகளில் ஓரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும்.  நீலகிரி, கோயம்புத்தூர் மாவட்டங்களில் ஒருசில இடங்களில் கன முதல் மிக கனமழையும், தேனி, திண்டுக்கல், திருப்பூர்,  தென்காசி,  திருநெல்வேலி, கன்னியாகுமரி மாவட்டங்களில் ஓரிரு இடங்களில் கனமழையும் பெய்ய வாய்ப்புள்ளது.

10.08.2022: மேற்கு தொடர்ச்சி மலை  மாவட்டங்கள் மற்றும் அதனை ஒட்டிய மாவட்டங்கள், வடதமிழக கடலோர  மாவட்டங்கள், புதுவை மற்றும் காரைக்கால் பகுதிகளில் ஓரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும்.

11. 08.2022 முதல் 13.08.2022 வரை: தமிழ்நாடு, புதுவை மற்றும் காரைக்கால் பகுதிகளில் ஓரிரு இடங்களில் லேசானது முதல் மிதமான மழை பெய்யக்கூடும்.

சென்னையை பொறுத்தவரை:

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் லேசான மழை பெய்யக்கூடும். அதிகபட்ச வெப்பநிலை 35-36 டிகிரி செல்சியஸ் மற்றும் குறைந்தபட்ச வெப்பநிலை 26-27 டிகிரி செல்சியஸ் அளவில் இருக்கக்கூடும்.

கடந்த 24 மணி நேரத்தில் பதிவான மழை அளவு (சென்டிமீட்டரில்):

மேல் பவானி (நீலகிரி) 22, அவலாஞ்சி  (நீலகிரி) 19, கூடலூர் பஜார் (நீலகிரி) 17, 

சோலையாறு (கோவை) 12, சின்னக்கல்லார் (கோவை) 11, வால்பாறை  PTO (கோவை) 10, வால்பாறை PAP (கோவை), சின்கோனா (கோவை), பந்தலூர் தாலுகா அலுவலகம்  (நீலகிரி) தலா 9, வால்பாறை  தாலுகா அலுவலகம் (கோவை), தேவால (நீலகிரி), மேல் கூடலூர் (நீலகிரி) தலா 8, பெரியார் (தேனீ), எமரால்டு (நீலகிரி) தலா 7, நடுவட்டம் (நீலகிரி), உதகமண்டலம் (நீலகிரி) தலா 5, பார்வூட் (நீலகிரி), பாபநாசம் (திருநெல்வேலி) தலா 3, தேக்கடி (தேனீ), பொள்ளாச்சி (கோவை) தலா 2, தென்காசி, ஆயிக்குடி (தென்காசி), மைலாடி (கன்னியாகுமாரி) தலா 1.

மீனவர்களுக்கான எச்சரிக்கை:   

09.08.2022, 10.08.2022:  

குமரிக்கடல் பகுதிகள், மன்னார் வளைகுடா மற்றும் அதனை ஒட்டிய தென்தமிழக கடலோர பகுதிகள் மற்றும் இலங்கையை ஒட்டிய தென் மேற்கு வங்கக்கடல் பகுதிகளில் பலத்த காற்று மணிக்கு 40 முதல் 50 கிலோ மீட்டர்  வேகத்தில் வீசக்கூடும்.

கேரள கடலோர பகுதிகள், லட்சத்தீவு பகுதிகள்  மற்றும் அதனை ஒட்டிய தென்கிழக்கு அரபிக்கடல் பகுதிகளில் பலத்த காற்று மணிக்கு 40 முதல் 50 கிலோ மீட்டர் வேகத்தில் வீசக்கூடும்.

ஆந்திர கடலோரப் பகுதிகள் மற்றும் அதனை ஒட்டிய மத்திய மேற்கு வங்க கடல் பகுதிகளில் சூறாவளி காற்று மணிக்கு  45 முதல் 55 கிலோ மீட்டர் வேகத்தில் வீசக்கூடும்.

09.08.2022 முதல் 11.08.2022 வரை:  கர்நாடக கடலோர பகுதிகள் மற்றும் அதனை ஒட்டிய மத்திய கிழக்கு அரபிக்கடல் பகுதிகளில் பலத்தக்காற்று மணிக்கு  40 முதல் 50 கிலோ மீட்டர் வேகத்திலும் இடையிடையே 60 கிலோ மீட்டர் வேகத்தில் வீசக்கூடும்.

மேற்குறிப்பிட்ட நாட்களில் மீனவர்கள் இப்பகுதிகளுக்கு  செல்ல வேண்டாமென்று அறிவுறுத்தப்படுகிறார்கள்.

Read next: பதிலடி கொடுக்கும் வகையில் சீனாவிற்கு எதிராக பயிற்சியை தொடங்கிய தைவான்..