நான் காலால் உதைத்தது உண்மை - சம்பவத்தை தெளிவுப்படுத்திய இராணுவ அதிகாரி

Jul 04, 2022 03:45 pm

குருணாகல், யக்கஹபிட்டிய ஐ.ஓ.சி. எரிபொருள் நிரப்பு நிலையத்தில் வைத்து, நபர் ஒருவர் மீது நடத்தப்பட்ட தாக்குதல் சர்ச்சையை ஏற்படுத்தியுள்ளது.

இந்த நிலையில், தான் நபர் ஒருவர் மீது காலால் உதைத்து தாக்கிய போதும், அது அந்த நபரின் மேணியில் படவில்லை என குருணாகல் நகர பகுதியின் இராணுவ லெப்டினன் கேர்ணல் தர கட்டளை அதிகாரியான விராஜ் குமாரசிங்க தெரிவித்துள்ளார்.

குறித்த சம்பவம் மற்றும் சமூக வளைத்தளங்களில் பரவி வரும் வீடியோ காணொளி தொடர்பில் அவரை தொடர்புகொண்டு கேட்ட போதே அவர் இதனை குறிப்பிட்டார்.

தான் குருணாகல் பகுதியில் சேவையாற்றும் நற்பெயர் மிக்க இராணுவ அதிகாரி என குறிப்பிடும் லெப்டினன் கேரணல் விராஜ் குமாரசிங்க, குறித்த எரிபொருள் நிரப்பு நிலையம் அருகே பாதாள உலகக் கோஷ்டியினர் ஒன்றுகூடியுள்ளதாக கிடைத்த தகவலுக்கு அமைய தாம் அங்கு சென்றதாக கூறினார்.

“தான் காலால் உதைத்தது உண்மையே. எனினும் அந்த தாக்குதல் குறித்த சிவியன் மேல் விழவில்லை. குறித்த நபரிடமே அது தொடர்பில் கேட்டுப்பார்க்க முடியும்” என  இராணுவ லெப்டினன் கேர்ணல் தர கட்டளை அதிகாரியான விராஜ் குமாரசிங்க தெரிவித்துள்ளார்.

எவ்வாறாயினும் குறித்த இராணுவ அதிகாரி தொடர்பில் நிறுவன மட்டத்திலான உடன் விசாரணைகளை ஆரம்பிக்கப்பட்டுள்ளது என இராணுவ ஊடக பேச்சாளர் பிரிகேடியர் நிலந்த பிரேமரத்ன தெரிவித்தார்.

Read next: ரஷ்யா எடுத்த முடிவினால் அமெரிக்காவுக்கு அடித்த அதிஷ்டம்