ஆரோக்கியமானவர்கள் கோதுமைப் புரதத்தை தவிர்ப்பதால் ஏற்படும் பாதிப்புகள்!

Jan 24, 2023 10:24 am


பல்பொருள் அங்காடிகளில் கோதுமைப்புரதம் இல்லாத பொருட்களின் தேர்வு குறிப்பிடத்தக்க வகையில் அதிகரித்துள்ளது. இதற்கு காரணம் செலியாக் நோய் இருப்பவர்கள் இவ்வகை, உணவுகளை அதிகளவில் விரும்புவதுதான்.

ஐரோப்பாவில் கோதுமைப்புரதம் இல்லாத அல்லது பசையம் இல்லாத உணவு மற்றும் பானங்களுக்கான சந்தை 2022-2027 இற்கு இடைப்பட்டக் காலப்பகுதியில், 11.1 சதவிகிதம் அதிகரிக்கும் என எதிர்பார்க்கப்படுகிறது.

சுமார் 2.7 மில்லியன் அமெரிக்கர்கள் கோதுமைப்புரதத்தை தவிர்ப்பதாக என்.பி.சி செய்தி நிறுவனம் வெளியிட்டுள்ள ஆய்வறிக்கையில் தெரிவிக்கப்பட்டுள்ளது. ஆய்வின் படி 20 முதல் 39 வயதிற்கு உட்பட்ட இளம் பெண்கள் கோதுமை புரதம் இல்லாத உணவை எடுத்துகொள்வதாக குறிப்பிடப்பட்டுள்ளது.

கோதுமைப்புரதம் இல்லாத பொருட்கள் ஆரோக்கியத்தையும் நல்வாழ்வையும் அதிகரிக்கும் அல்லது உடல் எடையை குறைக்க உதவும் என்று அடிக்கடி பரிந்துரைக்கப்படுகிறது. ஆனால் சில முடிவுகள் இதற்கு நேர்மாறானதாக இருக்கலாம்.

கோதுமைப்புரதம் இல்லாத உணவுகள் உடலுக்கு ஆரோக்கியமானதா?

பசையம் கொண்ட உணவில் நார்ச்சத்து, முக்கியமான வைட்டமின்கள் மற்றும் சுவடு கூறுகள் போன்ற நேர்மறை ஊட்டச்சத்து கூறுகள் உள்ளன. பசையம் இல்லாத உணவின் பின்னணியில், இவை காணாமல் போகலாம், என்று நிபுணர்கள் கூறுகிறார்கள்.

அதாவது, எமது உடல் சீராக செயல்படுவதற்கு தேவையான போசனைகள் கிடைக்காமல் போகலாம் என நிபுணர்கள் தெரிவிக்கின்றனர். குறிப்பாக நார்சத்து எனது உடலின் கழிவை வெளியேற்றுவதற்கு உதவுகிறது. இந்த நார்ச்சத்து பசைய உணவில் அதிகமாகக் காணப்படுகிறது. அதேபோல் பசையம் இல்லாத உணவுகள் பசி மற்றும் குளுக்கோஸ் சகிப்புத்தன்மையை தடுக்கிறது.

அதேநேரம் பசையம் இல்லாத உணவில் ஃபோலிக் அமிலம், இரும்பு மற்றும் பி வைட்டமின்கள் குறைவாக இருப்பதால், நிறைவுறா கொழுப்பு அமிலங்கள், உப்பு மற்றும் புரதங்கள் அதிக விகிதத்தில் இருப்பதால், நிபுணர்களால் இவ்வகையான உணவுகள் பரிந்துரைக்கப்படுவதில்லை.

ஆகவே ஆரோக்கியமானவர்கள் பசையம் இல்லாத உணவை தவிர்த்துக்கொள்ளுமாறு வலியுறுத்தப்படுகிறது.

Read next: யாழில் சினிமா பாணியில் நடந்த வாள்வெட்டு தாக்குதல்